Земјите на БРИКС со декларација за Украина

Рускиот претседател Владимир Путин се сретна со лидерите на растечките нации во рускиот град Уфа на самит кој се смета за обид на Москва да покаже дека не е изолирана и покрај застојот на односите со Западот поради конфликтот во Украина. Лидерите на БРИКС- Бразил, Русија, Индија, Кина и Јужна Африка, усвоија декларација со која изразуваат „длабока загриженост“ околу смртоносниот конфликт во источна Украина. Во документот се повикуваат владините сили и про-руските сепаратисти да се придржуваат на договорот за прекин на огнот, потпишан во февруари од Украина, Русија, бунтовниците и ОБСЕ.

Во меѓувреме, Украина и Западот ја обвинуваат Москва за постојана поддршка на сепаратистичките борци.

Земјите на БРИКС исто така изразија увереност дека разговорите во Виена за иранската нуклеарна програма ќе резултираат со договор.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.