Варуфакис: Грција е цврсто решена да не ги прифати предлозите на ЕУ

Грција е цврсто решена да не ги прифати последните предлози на Европската Унија, чија цел е постигнување договор меѓу Атина и кредиторите, изјави грчкиот министер за финансии Јанис Варуфакис.

– Тоа беше агресивен гест со намера да се тероризира Владата, несфаќајќи дека оваа грчка Влада не може да биде тероризирана, изјави Варуфакис за весникот „Протот Тема“.

Европската комисија на Грција и достави документ од пет страници со конкретни економски мерки, како основа за постигнување договор, кои вклучуваа зголемување на ДДВ-то и намалување на пензиите и платите на државните службеници.

Грчкиот премиер Алексис Ципрас во петокот ваквите предлози на Еврокомисијата ги оцени како „апсурдни“ и нагласи дека Атина нема да прифати никаков договор со кредиторите, ако тој не вклучува и преструктуирање на државниот долг на Грција.

Варуфакис во изјавата за „Прото Тема“ нагласи дека докуметот што Брисел му го достави на Ципрас „граничи со навреда“.

– Потребни ни се реформи, преструктуирање на долгот и инвестиции, ако не ги добиеме сите овие три елементи, нема да потпишеме (договор), додаде Варуфакис.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.