Пивото и грицките подготвени. Вечер одамна резервирана само за една работа.
Екипите на Барселона и на Јувентус вечерва во Берлин ќе го играат завршниот дуел оваа сезона во фудбалската Лига на шампиони.
Барселона досега има четири трофеи од елитното натпреварување наспроти двете титули на италијанскиот првак.
И двата тима во финалето влегуваат со освоени домашни првенства.
Јувентус на овој дуел ќе настапи хендикепиран без Џорџо Кјелини кој се повреди на еден од тренинзите, а тренерот Масимилијано Алегри фаворитската улога ја препушта на Каталонците.
– Со кого и да играше, Барселона ќе беше фаворит. Но и ние си имаме свои планови. Ќе се обидеме да ја најдеме нивната слаба точка, верувам дека и тие се ранливи, истакна Алегри.
Шпанскиот претставник без некои поголеми проблеми околу составот го дочекува финалето. За тренерот Луис Енрике шансите за успех се 50:50.
– Шансите се еднакви. Јувентус е шампион на Италија, квалитетот го докажа со елиминацијата на Реал во полуфиналето. Очекувам тежок и неизвесен меч, но верувам дека мојот тим може да победи, нагласува Енрике.
в сабота, на „Олимпискиот стадион“ во Берлин
Почетокот на дуелот на „Олимпискиот стадион“ во Берлин е вечер во 20 часот и 45 минути.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
