Поранешен новинар назначен за директор на грчката разузнавачка служба

Поранешниот новинар Јанис Рубатис е назначен за директор на грчката Национална служба за разузнавање (ЕИП) од страна на премиерот Алексис Ципрас, јави „Катимерини“.

Рубатис е роден во Јанина во 1948 година и има докторат по меѓународни односи од Универзитетот „Џон Хопкинс“.

Тој бил специјален советник на премиерот Андреас Папандреу за светски медиуми во 1981 година и бил владин портпарол во 1987 година и 1988 година. Од 1994 година до 1999 година бил пратеник на ПАСОК во Европскиот парламент.

Во 1987 година Рубатис ја објавува книгата „Заплеткани мрежи: САД во Грција 1947-1967 година“, која е заснована на неговата докторска дисертација во која ги осуди американските власти и грчките повоени конзервативни партии за нивната соработка со американските тајни служби.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.