Традиционално, на 28 декември, в недела, од падините на Водно, во месноста Говрлевска Краста каде што се наоѓа bадникарската шума, членовите на Одборот за одбележување на Бадник и граѓаните на Скопје ќе берат бадникови гранчиња што ќе им бидат бесплатно разделени на нивните сограѓанини скопјани.
Првото бадниково гранче кое претставува симбол на среќата, сонцето и животот ќе го пресече новиот кум на Бадник, Александар Џиковски, заедно со здравичарот Благоја Анчевски-Дечко.
На средбата се очекува да присуствуваат стариот кум и здравичар Методија Стефановски-Тоде и Владо Плавевски, некокумина поранешни кумови и здравичари, градоначалникот на Скопје, претставници на општината Сопиште, странски дипломати, свештени лица од МПЦ, претставници на естрадата, граѓани и добронамерници.
Собирно место за поканетите гости и за сите што точно не ја знаат локацијата на Краста, е крстосницата на патот за Драчаево и патот за Маркова Река и Батинци, пред мостот на Маркова Река. Оттаму групно се тргнува околу 11 часот и 30 минути.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
