Иран изврши напади врз милитантите на ИД

Ирански воени авиони во последниве неколку дена извршија серија напади врз позиции на сунитската радикална џихадистичка група Исламска држава (ИД), соопшти синоќа портпаролот на Пентагон, Џон Кирби.

– Имаме докази дека Иранците извршиле напади со авиони Ф-4 Фантом, нагласи Кирби.

Изјавата на Кирби уследи откако телевизијата Ал Арабија емитуваше видео снимки на кои беше прикажано како авиони од типот Ф-4 вршат напади врз цели во ирачката провинција Диала во близна на границата со Иран.

Авионите од американско производство Ф-4 Фантом се уште се дел од иранското Воено воздухопловтсво.

Кирби нагласи дека ирачката Влада е должна да ги координира воздушните напди врз џихадистите што ги извршуваат вооружените сили на земјите вклучени во меѓунардоната коалиција за борба против ИД.

Портпаролот на Пентагон додаде и дека нема промена во политиката на САД во однос на одбивањето да се соработува со Иран.

Иранската армија е активна во пограничните региони меѓу Иран и Ирак и им помага на шиитските милитантни групи и на ирачките сили во борбата против сунитските бунтовници, но ова е првпат Вашингтон да потврди дека ирански авиони вршат воздушни напади врз ИД.

Според дипломатски извори, постојат созанина и дека Иран му отстапил на располагање на Ирак авиони од типот Су-25 со кои управуваат ирански пилоти.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.