МВР потврди: Уапсен убиецот од Кавадарци

Приведен кавадарчанецот Тони Станоев кој во неделата ги уби таткото, мајката и сестрата на сопствената сопруга. Според министерката за внатрешни работи Гордана Јанкулоска, тој бил фатен кај гробиштата во Кавадарци, а со него го носел и пиштолот со кој ги извршил убиствата.

Станоев не се предал на полицијата. Во моментот кога ги забележал службените лица почнал да бега. Полицијата истрелала неколку куршуми во знак на предупредување. При апсењето Станоев се наоѓал во состојба на бунило и само запрашал „дали се живи“ мислејќи на своите жртви.

Станоев го застрела семејството на својата сопруга, со која бил во процедура на развод. Ги застрела во домот на жртвите. Тој и сопругата биле десет години во брак. Имаат две ќерки на седум и деветгодишна возраст.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.