Убиен тигар убиец во Индија

Нападите од „тигарот-човекојадец“ се случуваа во густата шума во Чандрапур, во индиската сојузна држава Мархараштра, каде се верува дека има околу сто тигри.

Бројот на жртвите од нападите на тигрите-човекојадци постојно се зголемува, секоја година, па само во изминатите осум месеци од годинава, 17 лица се нападнате и убиени од овие животни.

Во цела Индија се верува дека има уште 1700 тигри, но пред сто години, нивниот број изнесувал преку 100 илјади. Бројот на овие животни постојано се намалува, како последица на намалување на прашумите, со нивна експлоатација, изградба на патишта и со населувањето на луѓето.

Реони кои пред еден век беа целосно ненаселени сега се изполнети со голем број села и со население кое стопанисува со шумите, било одејќи во лов за да се обезбеди храна, било за да се работи.

Речиси сите жртви на нападите на тигрите-човекојадци се локални селани кои ловеле, или работеле во крајните делови од прашумата.

Експерти објаснуваат дека урбанизацијата на индиските шуми предизвикува своевиден судир меѓу животните и луѓето, околу изворите на храна, па тигрите кои се поагресувни,ги напаѓаат луѓето на кои же наидат во шумата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.