Тетовските пожарникари револтирани поради кратењето на примањата

Службата не ја прекина работата согласно законските одредби и одговараше на повиците, а дел од пожарникарите одржаа состанок со претставници на синдикатот и побараа прием од градоначалничката. Тие се револтирани бидејќи со кратењето добиваат плати кои не во согласност со нивната ризична работа и различните дежурства.

– Се работи за 4 до 5 илјади денари кои се скратени. Ние реагиравме уште во јануари но оттогаш нема промена. Не се земени во предвид за нашите плати ставките како ризик на работа, ноќни дежурства како и дежурање за викенди и празници, изјави Шефает Емини, претставник на пожарникарите.

Од општина Тетово информираа дека во јануари платите на сите вработени во рамки на локалната самоуправа се намалени по неколкуте укажувања на државен завод за ревизија откако претходно било утврдено дека им се исплаќаат плати над законските дозволените износи што било направено од претходното раководство. Според општина Тетово намалувањето на платите било во рамки на законските одредби за сите, со цел финансиска стабилизација и превработеност. Иако се намалува трошењето на општината во сите сегменти од канцеларијата за односи со јавност потенцираа дека со пожарникарите можно е да се преговара за надминување на револтот.

Просечно пожарникарите сега земаат по 16 или 17 илјади денари плата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.