Македонија земја од соништата – топ 5 најатрактивни дестинации во неа

Македонија во последните години сигурно се искачува на листите на топ туристички дестинации. Неодамна, се најде меѓу осумте најпосакувани туристички дестинации, рангирани според една интернет страница, во друштво на Сејшели, Шкотска, Бразилл Порталот ја опишува Македонија како земја од соништата, со богата историја за сите оние кои сакаат да истражуваат. Во продолжение, петте најатрактивни и најпосакувани дестинации во Македонија, пренесува Лидер.

Охрид

Балканскиот Еруасалим како што милуваат да го нарекуваат странците има езеро кое важи за едно од најстарите езера во Европа. Има 365 цркви- по една за секој дена од годината.. Стариот дел на Охрид изобилува со шарена архитектура. Едноставно, местото во кое може да се видат најстарите фрески и икони во земјава го прават Охрид најатрактивна и најпосакувана дестинација за странските но и домашните туристи.

Маврово

Чист воздух, чиста вода и пасишта на планината Бистра. Идеална атмосфера за авантура за сите спортисти, екологисти или пак обични луѓе кои сакаат да уживаат во природата на Националниот парк Маврово. А ако сакате да ја видите една од најубавите фолклорни манифестации во Македонија задолжителна е посета на Галичката свадба. Особеноста на народните обреди во хармонија со раскошните носии во единствениот галички амбиент како и културно уметничките вредности на мијацитеја прават оваа манифестација единствена.

Кавадарци, Тиквешки регион

Одгледувањето на виновата лоза во Македонија има корени уште од Античкото и Римското време. Според историските податоци, лозарството и винарството се присутни во Македонија уште од пред неколку милениуми и се поврзани со култот на плодноста, култот на Дионис, Бахус и Христијанството. За сите оние кои сакаат да научат нешто повеќе за историјата на лозарството, сортите на грозје и процесот на правење на вино, тогаш задолжително треба да ја искусите старата лозарска традиција на Повардарско-тиквешкиот регион каде што географската положба, плодната почва и климатските услови се многу поволни за одгледување на грозје и формирање на уникатни вкусови.

Струмица

Градот на една голема прослава. Струмичкиот карневал кој се одржува секоја година 40 дена пред големиот христијански празник Велигден, се смета дека има многу долга традиција. Тој бил споменат од страна на познатиот отомански патеписец Евлија Челебија кој запишал: .Дојдов во еден град, расположен во полите на еден висок баир и видов како таа ноќ маскирани луѓе претрчуваа од куќа во куќа, низ смеа писок и песнаа..

Столетните букови дрвја над струмичкото село Смоларе кријат едно посебно богатство- Смоларски водопад. Ако го посетите, ќе доживеете незаборавно доживување, затоа што патот до него води низ повеќе села со зачувана македонска традиција Смоларските Водопади како единствени постојани водопади во Македонија, имаат пад на водата со зачудувачки 39,5 метри. Смоларски водопад е совршен и за авантуристички кањонски спорт. Предизвик за љубителите на овој спорт е да се спуштат по должината на водопадот,секако со помош на алпинистичка опрема.

Скопје

Се вели дека Скопје е град на многу култури, но дефинитивно едно од најважните обележја се неговите цркви и манастири. Главниот град е вистински пример каде се измешани традицијата од османлискиот период и модерната инфраструктура. Дестинации кои, секако, треба да се видат во Скопје се познатото Дебар маало, кањонот на Матка како еден од највеличенствените региони во Македонија, потоа највисокиот врв на градот- планината Водно, врвот Крстовар кој се издигнува на 1066 метри како и Милениумскиот Крст кој е изграден во знак на одбележувањето 2000 години христијанство во Македонија и светот. Места кои мора да се видат се и тврдината Кале, Старата скопска чаршија, манастирот Свети Пантелејмон, Даут-пашиниот амам, црквата Свети Спас, пештерата Врелоо

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.