Од 1,5 милиони вработени Хрвати, третина се во администрацијата

Во Хрватска, со население од 4,3 милиони лица, работоспособни се 3,6 милиони, а од нив работат само 1,5 милиона, или 42,4 проценти, покажуваат податоците на Државниот Завод за статистика за првото тримесечје од годината, наведува сајтот Индекс.

Од останатите 57,6 проценти неактивно работоспособно население како невработени се водат само 9,8 проценти.

И покрај тоа што бројот на неактивни работоспособни лица (оние кои не работат и не бараат работа) изгледа огромен, треба да се земе предвид дека податоците се однесуваат на лица над 15-годишна возраст, а во таа група има и голем број средношколци, студенти и пензионери, така што актуелната работна сила во Хрватска е значително помалубројна, посочува хравтскиот сајт.

Околу една третина од вработените своите плати ги добиваат од државата, а останатите околу еден милион работат во приватниот сектор.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.