Од „Агрокор“ истакнуваат дека од наведената сума 324 милиони евра се однесуваат на стекнување на 100 отстотна сопственост, 200 милиони за намалување на финансиските обврски на „Меркатор“, а 20 милиони за оперативно финансирање на тековното работење на „Меркатор“.
На завршниот договор му претходеше и договор со банките за репрограмирање на долгот на „Меркатор“ во висина од една милијарда евра, како и согласност на регулаторните тела во државите во кои делуваат „Меркатор“ и „Агрокор“.
Двете компании заедно ќе остваруваат близу седум милијарди евра приходи, ќе вработуваат над 64.000 лица, а ќе бидат и водечка компанија во секторот малопродажба и производство на храна во регионот и пошироко.
– Со купувањето на мнозинскиот удел од Деловниот систем на „Меркатор“ од страна на „Агрокор“ создаден е најголемиот деловен систем во трансициските земји. Ова е заедничка победа на сите деловни луѓе, израз на решителност дека врз темели на промислена визија го креваме нивото на успешност и конкурентност. Почнуваме да создаваме нова вредност за нашите потрошувачи, поголема сигурност за сите вработени, иницираме натамошен развој на индустријата во регионот, отвораме нови пазари за производителите – изјави претседателот на „Агрокор“, Ивица Тодориќ.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
