Десет работи што треба да ги има секоја жена на триесетгодишна возраст

Дваесеттите години се одлични години за експериментирање кога станува збор за модата. Сепак, триесеттите се малку посериозни години, во кои треба да знаеме кои сме и што сакаме од животот.

Ако говориме за мода, тогаш секоја модно освестена жена во своите триесетти години треба да има важни, клучни парчиња облека, кои ќе ја изразат нејзината посебност. Кои се десетте работи што треба да ги има секоја жена што зачекорила во четвртата деценија од животот? Станува збор за класични и за безвременски парчиња, кои никогаш не излегуваат од мода.

Женствен деловен костум

Без разлика дали се занимавате со сериозна деловна работа или, пак, работите нешто креативно, на секоја жена ѝ е потребен класичен женствен деловен костум, најдобро во црна боја. Тој може да се носи на состаноци, интервјуа и за сите други пригоди во кои е потребно да се изгледа професионално и шик.

Класични чевли

Без разлика дали сте девојка што постојано носи чевли со високи потпетици или, пак, уживате во удобноста на омилените балетанки, во својот орман, секако, мора да имате квалитетни и впечатливи чевли, кои добро одговараат со секоја модна комбинација.

Рачен часовник

Безвременски рачен часовник е моден додаток во кој секогаш е исплатливо да се инвестира и секоја жена во триесеттите години треба да го има.

Црвен кармин

Жена со црвен кармин на усните е секогаш забележлива и впечатлива. Не мора да го носите секој ден, но сосема е доволно во вашиот несесер да има барем еден кармин во класична црвена боја за посебни моменти во кои сакате да изгледате елегантно и софистицирано.

Омилено цвеќе

Како некој симпатија или деловен соработник што сака само да ви се заблагодари за завршената работа ќе знае да ви прати цвеќиња, ако немате омилен цвет? Жената на триесетгодишна возраст мора да има свој омилен цвет. Ако уште немате омилен цвет, тогаш сега е најдобро време да го пронајдете.

Класичен мантил

Потребен ви е класичен мантил, кој може да го носите во сите пригоди, и вреди да се инвестира во него. Најдобро е да биде во неутрална боја.

Накит што постојано го носите

Сигурно се сеќавате на Кери Бредшо од серијата „Сексот и градот“ и нејзиното омилено синџирче на кое беше испишано нејзиното име. Без разлика дали станува збор за алки, прстен, обетки или нешто сосема друго, би требало да имате накит што секогаш го носите.

Парфем

Веруваме дека веќе имате свој омилен парфем, но ако уште не сте решиле кој е вашиот мирис, тргнете во потрага по парфемот што ќе ја истакне вашата посебност.

Чанта

Ако сте во триесеттите години, секако, во својот орман имате многу чанти, но само една би требало да биде таа вистинската. Станува збор за модно парче што може да ја спаси секоја модна комбинација. Ако уште немате таква чанта, тогаш инвестирајте во чанта што не е трендовска.

Уметнички дела

Без разлика дали станува збор за фотографија што многу ја сакате и ви е посебно драга или, пак, за уметничко дело, во својот стан треба да имате едно дело што посебно го сакате и кое секогаш кога ќе го погледнете ве чини среќни.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.