Специјалниот координатор на набљудувачката мисија на Парламентарното собрание на ОБСЕ, Кристин Мутонен посочи дека Македонија постигнува напредок во демократијата веќе 10 години.
-Сакам да кажам дека оваа земја оствари значителен демократски напредок во последниве 10 години, во контекст на постојаната и постапна меѓународна интеграција. Овој процес на демократски реформи, се уште не е завршен и мора да продолжи- истакна Мутонен.
Генералнaта оценка на ОБСЕ/ОДИХР е дека изборниот ден беше спроведен на непречен и професионален начин, со само некои технички нерегуларности. Избирачките одбори демонстрирале добро познавање на процедурите за гласање, а кандидатите имале можност непречено да ја водат изборната кампања, додека слободите на собирање и здржување биле почитувани.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
