Претседателот на Собранието на Република Македонија, Трајко Вељаноски, откако гласаше во ОУ „Мирче Ацев“, општина Ѓорче Петров, им го честиташе денот на граѓаните, денот кога, како што рече, демократијата е во нивните раце и одлучуваат за иднината на Република Македонија, кој ќе ги води во наредните четири, односно пет години за претседател.
– Како претседател на Собранието сакам да кажам дека сум задоволен за досегашниот тек на изборниот процес. Се надевам и овој ден така ќе заврши, тоа е добро за Република Македонија и за извештајот што се пишува за Република Македонија – истакна Вељаноски.
Тој им посака на избраните пратеници и избраниот претседател да продолжат со темпо со кое Република Македонија ќе се интегрира во меѓународните организации, во НАТО и ЕУ и ќе работат на економскиот просперитет на Република Македонија и на граѓаните кои, како што рече, тоа и го заслужуваат.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
