Анкетата на Центарот за истражување и за креирање политика за довербата на граѓаните во институциите на прв поглед е шокантна. Ако се знае дека и кај исламските верници во земјава не владее особено позитивно мислење за работата на Исламската верска заедница како втора најсилна верска заедница, тогаш, навистина, е чудно како верските заедници се меѓу трите институции со најголема доверба во земјава. Нема никаква логика МПЦ-ОА да биде веднаш зад армијата на РМ кога во јавноста најголем дел од владиците не се познати по своите дела и духовност, туку поради контроверзните изјави, финансиските скандали, скапите возила и кавгите со верниците.
Кој е тој православен верник што толку многу верува во МПЦ-ОА ако ја слушнал изјавата дека владиката и портпарол на Светиот синод ќе коле по една крава секој ден пред портите на сѐ уште непочнатиот туристички центар на Субрата Рој, ако слушнал дека Скопската епархија само од имотите во Сопиште заработила 9 милиони евра, а не сака да направи нова црква за верниците, чиишто предци тие имоти ги дариле како вакаф и последно, но не помалку важно, кој е тој верник што гледа како неговите владици се возат со непотребно скапи возила и во најновиот случај возат јахта, а претходно се заколнале на скромност и на сиромаштија.
Целиот разговор можете да го прочитате во најновиот, 77. број на Република, што од денеска, 21.2.2014 година, е во продажба
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
