Просечната нето-плата во октомври во Македонија е 21.247 денари, а просечната исплатена бруто-плата е 31.228 денари објави Државниот завод за статистика. Според нивните податоци , просечната месечна исплатена бруто-плата по вработен, во октомври 2013 година, во однос на истиот месец лани е зголемена за 1,1 отсто.
Тоа пред се се должи на зголемувањето на просечната месечна исплатена бруто-плата по вработен во секторите: градежништво за 7,4 отсто, транспорт и складирање 6,5 и рударство и вадење на камен 4,7 отсто.
Зголемување на просечната месечна исплатена бруто-плата по вработен, во однос на претходниот месец, е забележано во секторите: Уметност, забава и рекреација за 7,2 отсто, Рударство и вадење на камен 5 и Градежништво 3,3 отсто.
Просечната месечна исплатена нето-плата по вработен, во октомври 2013 година, во однос на октомври 2012 година пораснала за 1 отсто.
Порастот се должи на зголемувањето на просечната месечна исплатена нето-плата по вработен во секторите: Градежништво 7,1 отсто, Транспорт и складирање 5,8 и Рударство и вадење на камен 4,9 отсто.
Зголемување на просечната месечна исплатена нето-плата по вработен, во однос на претходниот месец, е забележано во секторите: Уметност, забава и рекреација за 7 отсто, Рударство и вадење на камен 5,7 и Градежништво 2,6 отсто.
Во октомври 2013 година, 1,3 отсто од вработените во Република Македонија не примиле плата.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
