Киевскиот патријарх: Постои опасност во Украина да почне граѓанска војна

Поглаварот на Украинската православна црква, патријархот Филарет, предупреди денеска дека во Украина може да почне граѓанска војна и ги повика властите да прекинат со насилства и да го потпишат договорот за асоцијација со Европската унија.

– Насилството може да предизвика само радикализирање на протестите и голем граѓански конфликт. За да излеземе од кризата, неопходно е да се почне брзо дијалог на високо рамниште меѓу претставници на властите, на опозицијата и на граѓанското општество – изјави тој.

Патријархот побара „мораториум врз насилните акции“. Тој вели дека најприфатливиот начин за излегување од кризата може да биде завршување на преговорите и договорот за асоцијација со ЕУ да биде потпишан.

Патријархот Филарет (84) ја предводи Украинската православна црква по отцепувањето од Московската патријаршија во почетокот на 90-тите години од минатиот век.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.