Мики го запознавме на 18 ноември 1928 година, во цртаниот филм на Волт Дизни „Парабродот Вили“, кој воедно беше и првиот цртан филм кој имаше тон.
Препознатлив по својот специфичен изглед – црвени шорцеви, големи чевли и бели ракавици, инспирација за ликот на Мики, Дизни ја нашол во вистински глушец кој живеел со него во студиото во Канзас Сити, во кое настанале и првите анимирани филмови.
Првобитната идеја била ликот да се вика Мортимер Маус. Меѓутоа, сопругата на Волт Дизни мислела дека ова име е премногу женствено, па затоа се јавил следниот предлог, да се вика Мики. Така ова име остана до ден-денес.
Една година откако се појави на телевизија, Мики ги доби и своите препознатливи бели ракавици, а неговото влијание непосредно доведе до тоа од 1932 година да се доделува награда на Оскарите за најдобар анимиран филм. Истата година Дизни освои две позлатени статуи, за „Silly Symphonies“ и „Flowers and trees“.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
