Во моментов над 5000 новоизградени станови на македонскиот пазар се непродадени, покажуваат проценките во анализата на Економски.мк. Бројката се должи на длабоко меѓузависни фактори – цената и заситеноста на пазарот. Иако цената на станбениот квадрат бележи пад, според експертите, во потранспаретен пазар овие фактори се афектираат меѓусебно многу побрзо.
Во првата половина од 2013 година станбениот сектор во Скопје бележи значителен раст. За 90% се зголемил бројот на нови станови пуштени во употреба, во однос на втората половина на 2012-та година.
Станбените капацитети во моментот на пуштање во употреба (издаден имотен лист) бележат во просек 43% слободни, односно не-продадени станови во првата половина на 2013 година.
Заситеноста ја афирмира и фактот што бројот на станови во изградба споредено со втората половина од претходната година бележи пад од 22%, од кои 71% се планира да бидат завршени во текот на 2013-та година.
Во однос на цените на новите станови, просечната цена во Скопје бележи намалување за 4,9% во споредба со втората половина на 2012 година, со што продолжи трендот регистриран минатата година. Просечната цена на становите во Скопје на годишно ниво забележа намалување за 13,8%.
Континуираната понуда, високите цени, непополнетоста на претходните објекти, како и ниската доверба на потрошувачите во купувањето пред финалната фаза на проектот се причини за растот на непополнетоста на новоизградените станови, се вели во анализата на Економски.мк
Зголемeната понуда како ниската побарувачка ќе ги притисне градежните инвеститори да продолжат со намаување на цените. Цените ќе се прилагодат на пазарните услови и достапноста на банкарското финансирање, кое според кажувањата на банките ќе подлежи на натамошно релаксирање .
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
