Навивачката група на ракометниот вицешампион Металург, „Пирати“, застанаа зад српскиот голман Дарко Станиќ.
„Пиратите“ на раководниот тим ќе му достават иницијатива за укинување на суспензијата на миленикот на публиката Станиќ.
– Тоа е наша одлука од состанокот и таа наша иницијатива ќе ја доставиме и до клубот. Незадоволствата и недоразбирањата ќе се надминат, има начин како да се реши тоа. Инсистираме на тоа за доброто на клубот, за атмосферата, дури и за Дарко Станиќ како играч и личност. Тој знае колку ни е омилен, но и клубот знае дека Дарко Станиќ му треба на Металург. Затоа ние поведуваме иницијатива да се укине суспензијата и тековно потоа да се решаваат проблемите – рече навивачката група за спортскиот портал „ТемпоМК“.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
