Министерот за здравство Никола Тодоров синоќа беше во контрола на Поликлиниката Букурешт, Kлиниката по хируршки болести „Св.Наум Охридски“ и објектот на Мајчин дом.
Тодоров, соопшти Министерството за здравство, при посетата на поликлиниката Букурешт беше придружуван од директорката на Здравствен дом Скопје, д-р Татјана Баевска Вучковиќ, додека при посетата на Клиниката по хируршки болести „Св. Наум Охридски’’ од директорката Јасминка Чабуковска.
Во рамки на посетата на здравствените установи, министерот Тодоров ја разгледа инфраструктурата на објектите, можностите за подобрување на функционалноста и потреба од реконструктивни зафати, за што беше информиран и од страна на директорите.
Станува збор за една од редовните посети на Тодоров на јавни здравствени установи во насока на унапредување на условите за работа.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
