Груевски не прејудицира за крајното решение на ад хок Комисијата

Премиерот Никола Груевски не сака да дава никакви заклучоци за да не прејудицира за крајното решение во врска со работата на ад хок kомисијата за настаните од 24 декември. Тоа го изјави по отворањето на технолошко-индустриската развојна зона „Штип“. Додаде дека членовите на Комисијата интензивно работат, а тој постојано е во контакт со преговарачкиот тим од ВМРО-ДПМНЕ.

Во Скопје, во Клубот на пратеници, по неколкучасовното заседавање, членовите на Комисијата имаат пауза, а се очекува седницата да продолжи околу 18 часот. Претседателот во оставка на Комисијата за расветлување на настаните од 24 декември, професор Борче Давитковски, утрово информира дека се усогласуваат ставовите околу две прашања.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.