Грозница во Мадрид, навивачите во битка за дрес на Бејл го блокираа сајтот

Грозница го тресе Мадрид пред официјалното потпишување договор со Герет Бејл во Реал, а „кралскиот клуб“ веќе и не крие дека Велшанецот за 99 милиони евра и рекорден трансфер ќе допатува во главниот град на Шпанија.

Синоќа на официјалниот веб-сајт на кој може да се купи дрес од сите играчи на Реал, беше понуден и дресот со број 11, што ќе го носи 23-годишниот играч, а се случи и комплетен крах. Веб-сајтот беше пребукиран од посети и извесно време остана надвор од употреба, односно не функционираше. Бејл за рекорден трансфер во историјата на фудбалската игра, денеска треба да стане член на популарните „Меренгеси“.

Претходниот рекорд е на Кристијано Роналдо, а повторно во главна улога е Реал, клуб кој во 2009 година го купи тогашниот напаѓач на Манчестер јунајтед за сума од 93,9 милиони евра. Сега повторно клубот од Мадрид ќе плати рекордна сума и пак ќе ќари состав од британскиот остров, но овојпат не е Манчестер јунајтед, туку Тотенхем.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.