Најмалку 235 луѓе се убиени, меѓу кои и двајца новинари, а повеќе од 1.400 се повредени во денешните крвави судири меѓу безбедносните сили и приврзаниците на соборениот претседател Мохамед Морси во Египет.
Според агенциските информации, по улиците на Каиро се случува ужасно насилство и крвопролевање при обидите на властите да ги растераат демонстрантите.
Во судирите настрада и камерманот на „Скај њуз“, Мик Дин, како и новинарот на Експрес од Дубаи, Хабиба Абделазиз. Двајцата ги покривале протестите во главниот град на Египет.
Неофицијално, бил убиен уште еден локален новинар, но информацијата сѐ уште не е потврдена. Во меѓувреме, има информации дека при нередите биле уапсени најмалку 12 домашни и странски новинари.
Судирите почнаа откако властите почнаа да го дислоцираат кампот со приврзаници на Морси. Според информациите од Муслиманското братство, во операцијата на владините сили биле убиени најмалку 2.000 луѓе, а 10.000 биле повредени.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
