Предлог законот за амнестија пред финиш, за кого ќе има амнестија?

До петок треба да се знаат детали за законот за селективна амнестија. Копретседателката на телото за помирување Емилија Александрова изјави:

-Посебно беше напоменато дека се чека подобрување на општата атмосфера со отпочнување на процесот на помирување, што е многу значаен и пресуден во нашата држава.

Неофицијално опцијата за која најсериозно се размислува е целосна амнестија за сите обвинети за Крвавиот четврток на кои им се суди за терористичко загрозување на уставниот поредок и безбедност, а потоа оние кои според критериумите за селекција на власта и опозициската осумка треба да одговараат да се отвори постапка за нови кривични дела.

Од власта пак само потвруваат дека на правните формулации работат правни експерти.Тврдат дека какво и да биде решението нема да смее да се толкува како директно мешање на владата и Собранието во јавното обвнителство и судот. Повторуваат дека амнестирани од одговорност нема да бидат насилниците и организаторите, како и оние кои имаат командна одговорност.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.