Премиерот изваден од такт врескаше од говорница: Да, ќе ѝ понудам на Бети Канческа да биде јавен обвинител (ВИДЕО)

Едно просто пратеничко прашање го извади од такт премиерот Зоран Заев. Несвојствено за неговата ноншалантност со која ги решава најкрупните државни прашања, премиерот потскокнуваше врескајќи од говорноцата.

Прашањето што го измести од балансот ноншалантниот премиер го постави пратеникот Влатко Ѓорчев од ВМРО-ДПМНЕ – го повика да не се плаши и да излезе на ТВ дуел со лидерот на опозицијата Христијан Мицкоски. А тогаш Заев кажа и што требаше, и што не смееше, но моравме да го чуеме, зашто и онака никој не поверува дека е поиинаку.

– Со лидерот ваш кога ќе сум излезел на дуел?! Кога ќе заземе став. Нека заземе став, врескаше од говорницата Зоран Заев.

– И кога ќе дадам предлог на опозицијата, како што е во програмата, по две години за јавен обвинител, да, ќе ѝ дадам на Бети Канчевска, ќе им дадам на оние што имаат одлуки да носат овде и презедоа одговорност,рече Заев, несвесно откривајќи дека најверојатно во преговорите кои се одвиваа помеѓу него и луѓето од т.н. група „Кожувчанка“, тој понудил и високи државни функции.

Освен понуди за високи функции, во јавноста кружеа информации дека биле понудени и ослободителни пресуди за пратениците кои беа опфатени со обвиненија од СЈО, но и оние инволвирани во случувањаа на 27 апри, како и високи суми на пари.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.