11-годишно девојче се спасило од киднапер бидејќи му поставило едно прашање (Видео)

11-годишната Медисон се спасила од можно киднапирање бидејќи на странецот кој ја повикал да влезе во неговиот автомобил му поставила едно прашање, пишува “Independent”.

Малото девојче и нејзината другарка шетале во близина на паркот во градот Пикан Крик во американската држава Аризона, кога покрај нив застанал маж во бело возило и му кажал на девојчето дека нејзиниот брат доживеал несреќа и дека тоа мора да појде со него.

Медисон на тоа го прашала која е шифрата, а кога киднаперот не знаел да ѝ одговори, таа одбила да влезе во автомобилот и тој заминал без неа, стои во соопштението од полицијата.

“Многу се исплашив дека нешто му се случило на мојот брат, но потоа се сетив да го прашам за шифрата, а кога не ја знаеше, побегнав од него”, изјавило 11-годишното девојче.

Нејзината мајка за “Fox10” објаснила дека смислила шифра со своите деца токму за такви ситуации.

“Шифрата која ја смисливме ѝ го спаси животот на мојата ќерка. Ми кажа дека некој пробал да ја киднапира, а никогаш не би ми паднало напамет дека навистина ќе мораме да ја употребиме шифрата. Горда сум на неа бидејќи се сетила на тоа”, вели мајката Бренда Џејмс.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.