Експертите се едногласни дека наводната даночна реформа за праведни даноци ќе нема речиси никаков ефект во буџетот на Република Македонија. Имено токму на оваа тема говореше и бизнисменот Горан Рафајловски во емисијата Отворено студио на телевизија Алфа кој потенцираше дека ефектот од средствата од ново наметнатиот прогресивен данок ќе биде минорен.
-Ефектот уште пред седум дена кога ме прашаа, кажав дека ќе влијае не повеќе од 0,6 до 0,7 проценти, што значи дека ефектот не само што е мал туку е минорен, вели тој.
Рафајловски посочи дека овие средства се недоволни за било каков проект, а постои опасност истите да се расцепкаат и да немаат никаков ефект.
-Инаку овие средства се стварно недоволни било што да почне. Тоа не дај Боже да ги разделите на повеќе парчиња, што значи дека олку мали средства, а толку голема галама е стварно смешно и секоја дебата е вон дискусија.
Според него единствено бизнис заедница ја тангираат ваквите реформи поради фактот што на нив е товарот на ваквиот данок, а проблематично е што зголемувањето на данок се случува ненајавено без да се овозможи простор за овие нови трошоци да бидат испланирани во буџетот на компаниите. Рафајловски напомена дека во Македонија најголем проблем е даночната евазија, а не големината на даноци, според него тоа е најголемиот проблем во државата.
-Освен што можам да ја разберам бизнис заедница комплетно на која и припаѓам и јас вклучително дека излегува дека тие што цел живот плаќаат и плаќаме ќе треба сега повеќе да платиме. А тие што не плаќаат или воопшто не или гледаат на било каков начин да не плаќаат ќе продолжат да не плаќаат. И ако зборуваме за праведна како што сака да се каже даночна реформа каде што побогатите ќе плаќаат повеќе јас би замолил сите да плаќаат бидејќи на асфалтот газиме сите ние и јас газам и тој што плаќа и тој што не плаќа данок. И јас сум на мој термин исто како и останатиот што плаќа многу помалку.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Последни
-
Сензационално: Северина се разведува од Игор, поради познатата водителка!
-
Фатална сообраќајка кај Струмица: Со „Корса“ излетал од патот, загинал на лице место
-
Шон Пен во Истанбул: Ќе снима документарец за убиениот новинар Џамал Кашоги (видео)
-
Димитров: Зборовите „нација со комплекс“ се извадени од контекст