Ќе запее ли некогаш повторно? Еве како ќе тече опоравувањето на Дарко

Првиот ден од викендот во КБЦ „Земун“ Дарко Лазиќ го поминал во стабилна состојба, без животно загрозувачки промени. Сепак, кога станува збор за опоравувањето на фолкерот, кој преживеа тешка сообраќајна незгода во вторникот, лекарите и понатаму се загрижени, пишува српски „Курир“.

На Лазиќ му е оштетено едното белодробно крило, има скршена бутна коска, скршена карлица преживеал тешки удари во глава, бубрезите не функционираат добро…

-Дарко и понатаму дише со помош на апарати и постои можност да остане без едно белодробно крило. Во случај на повреда на белите дробови, не постои доволно ефикасна хирургија со која тие може пак да се состават, туку повреденото ткиво се отстранува, но пациентот може да живее без еден дел од белите дробови-рекол извор од КБЦ Земун.

Според изворот, тешките повреди на главата можат да доведат до привремено или трајно оштетување на способноста на препознавање, како и до проблеми со говорот.

Лекарите наводно велат дека неговото опоравување ќе биде доста тешко и бавно. Имено, кога Лазиќ ќе се опорави од повредите на главата и белите дробови, кога се стабилизира работата на бубрезите, го чека најмалку една ортопедска операција, за да му се санираат скршениците на бутната коска, на карлицата, и најверојатно би се вградил вештачки колк. Тоа практично значи дека пејачот после излекувањето на повредите на коски наводно нема да може сам да се движи најмалку половина година.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.