Тажниот 6-ти роденден на Теди: Ниту едно другарче од 32 не му дошло на забавата, но прославил со илјадници добри луѓе (ФОТО)

Теди Мацини повикал 32 ученици од неговиот клас на прослава за неговиот 6 роденден кој требало да се прослави во една пицерија.

Неговата мајка Сил очекувала десетина негови другарчиња со родителите да се појават на забавата во ресторанот, но не се појавил ниту еден од нив. Сил за каналот ABC 15 Arizona раскажала дека некои родители ѝ се јавиле претходно за да ѝ откажат, но не очекувала дека нема да се појави буквално никој.

A Tucson 6-year-old invited 32 of his classmates to a pizza party for his birthday over the weekend… and no one showed up: https://t.co/5KGkBT9gD3 #abc15 pic.twitter.com/cxXf25W2xJ

— ABC15 Arizona (@abc15) October 22, 2018

“Завршив со забавите за некое време”, рекла таа. Фотографијата од разочараниот Теди новинарите ја споделиле на официјалниот Твитер профил на каналот.

Набрзо Теди добивал роденденски честитки и подароци од луѓе од различни краеви низ САД.

“Луѓето понекогаш се чудни и непромислени. Тоа не значи дека не си супер, само дека луѓето се ужасни. Среќен роденден малечок”.
Меѓутоа, најголемиот подарок од сите бил од кошаркарскиот тим Феникс санс. Кошаркарите го поканиле несреќниот Теди на  натпреварот против ЛА лејкерс.

“Што велиш да прославиме со илјадници луѓе кај нас? Картите се твои, Теди се слушаме наскоро”, напишале на Твитер, а сите останале воодушевени со оваа постапка.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.