Есенска детоксикација: Подгответе го телото за зима во само 5 чекори

1. Заменете го кафето со чај
Можеби ви звучи како научна фантастика, но обидете се барем на неколку дена да го замените кафето со чај. Тој може да се консумира во поголеми количини, и доколку изберете органски, може да биде рај за вашите бубрези.

2. Пијте јогурт секој ден
Сите знаеме дека јогуртот е навистина здрав и добар за вашето тело, па затоа и треба да го вметнете во вашата секојдневна исхрана. Ако не сте љубител на неговиот вкус, тогаш пробајте го следниов рецепт за смуди со јогурт.

Потребни состојки:
230 милилитри јогурт
1 исечкана банана
5-6 листови кељ
1 лажица мед
Начин на подготовка:
Ставете ги сите состојки во блендер и матете додека не добиете хомогена смеса.

3. Пијте многу вода
Најдобриот начин да направите детоксикација на вашето тело е доколку го опуштите, а со него и вашите мисли. Но, нема потреба да бидете премногу строги кон себе бидејќи и тоа носи дополнителен стрес. Едноставно пијте вода и ќе забележите дека веднаш се чувствувате подобро. Исто така започнувајте го секој ден со чаша млака вода и исцеден лимон.

4. Одете во сауна
Кога станува збор за студените есенски и зимски денови, нема подобра идеја од сауната. Доволно ви е само саат време во текот на неделата за да ги исфрлите сите насобрани токсини преку потење. Сауната исто така може да се комбинира со базен, за малку да ја подобрите циркулацијата.

5. Не заборавајте на физичката активност
Не морате да тргнете во теретана или да трчате додека ве држат нозе за да бидете во топ форма. За почеток, доволно е само малку да се раздвижите со едноставно шетање, и како што ќе ја подобрувате својата кондиција, така и да го зголемувате интензитетот на вежбањето.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.