Во координирани полициски акции, спроведени во 116 земји запленети се 500 тони недозволени фармацевтски производи достапни на интернет.
Запленети биле лажни лекови против рак и против болки, соопшти „Интерпол“.
Како што е наведено, операцијата под името „Pangea XI“ доведе до 859 апсења ширум светот и запленети фармацевтски производи во вредност од околу 14 милиони долари кои се потенцијално опасни, пренесе „Ројтерс“.
„Се фокусиравме на услугите на достава кои ги организираа криминални мрежи и во рамки на операцијата укинати се 3,671 линк, вклучувајќи сајтови, страници на социјалните мрежи и онлајн пазарот“, наведе „Интерпол“.
Ова е втора акција за запленување на лекови што Интерпол ја спорведе месецов.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
