Деркоски: На ДИК му требаат минимум 52 дена за да ги организира евентуалните предвремени избори

Треба да има Пржинска влада, не треба, колкав е рокот? Можно ли е да има релевантни парламентарни избори ако се организираат предвремени избори без техничка влада, или техничка влада со помал рок? Околку оваа дилема говорел и претседателот на Државната изборна комисија Оливер Деркоски, во интервју за Инфомакс.мк

– Како претседател на ДИК ова не можам да го коментирам, но она што можам да го кажам, да апелирам до сите да ги почитуваат законите, затоа што се друго и непочитување на законите ќе не внесе во нова политичка криза, вели Деркоски, и додава дека политичарите мора да сфатат дека мора да се почитуваат прописите бидејќи во спротивно ќе се случи нова политичка криза.

– На ДИК ни требаат минимум 52 дена, со скратени рокови како што предвидуваат законите, за да ги организираме евентуалните предвремени избори, а со цел да ги подготвивме сите дејствија согласно роковникот утврден во изборниот законик, со цел да се стигне навреме да се стигне да се заврши секое дејствије предвидено во истиот. Значи 52 дена е минимумот кој што може да ги задоволи барањата за еден нормален изборен процес со скратени рокови, објаснува тој.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.