Момче и девојка следени од три лица со возило во Аеродром

По булеварот „Кузман Јосифовски Питу“ во населба Аеродром, синоќа лицето Д.П. (23) било следено и физички нападнато.

Имено, момчето Д.П (23) заедно со неговата другарка се движело по булеварот со неговото возило „Фиат Пунто“, при што биле следени од група од три лица во возило „Киа“. Лицата ги пресретнале Д.П. и неговата другарка во близина на трговскиот центар „Бисер“. Возачот се претставил дека е полициски службеник, по што му ги зел документите и телефонот на Д.П.

Потоа Д.П. заминал кон паркот во Ново Лисиче, каде требало да се види со пријатели, но тука дошле и лицата со возилото „Киа“ и од неговите другари побарале документи. Едно од лицата физички го нападнало Д.П. и му се заканувало со пиштол.

Случајот е пријавен, преземени се соодветни мерки, а во полициска станица е приведен сторителот Г.С. (25).

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.