Вонредна прогноза од УХМР: Еве какво време не очекува

Температура под нулата за утре наутро најавуваат метеоролозите на повисоките места и по одделни котлини.

Според прогнозата утре температурата под нулата ќе се спушти во Берово на минус четири, Маврово минус три, Крива Паланка минус два и Битола минус еден. Во другите делови ќе бидат над нула, а максималната утринска ќе достигне шест степени во Гевгелија.

Во петок утринската ќе се движи од минус три до седум степени, додека од сабота се очекува облачноста да се зголеми и утринските температури насекаде ќе бидат позитивни. Можни се и повремени локални врнежи од дожд.

До петок времето ќе биде стабилно. Преку денот времето ќе биде претежно сончево со пораст на дневната температура. И утре ќе дува умерен, а локално засилен североисточен ветер.

Дневната температура ќе се движи меѓу 17 и 26 степени.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.