Одвратен потег на Даглас Коста – Бразилецот во лице го плукна Ди Франческо (видео)

Бразилскиот крилен напаѓач, Даглас Коста со сигурност го чека суспензија од неколку меча, откако на денешниот натпревар против Сасуоло, кој неговиот Јувентус го доби со 2-1, плукна противнички играч во лице.

Коста влезе во игра на 20-тина минути пред крајот на натпреварот, видно нервозен, па по еден дуел во кој најпрво со лакт го урди младиот Ди Франческо, тој беше уловен од камерите со неговиот одвратен потег во кој јасно се гледа дека го плкуа противникот в лице.

Иако најпрво помина само со жолт картон, по сугестија од ВАР собата, за овој неспортски потег Коста доби директен црвен картон, по кој сигурно ќе следа и дополнителна казна од италијанската фудбалска федерација.

Инаку на овој меч своите први два гола за Јувентус ги постигна Кристијано Роналдо кој ја обезбеди победата за Јуве пред Бабакар да ги постави конечните 2-1.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.