Камион се преврте кај Битола, повреден е возачот

Во тешка сообраќајна несреќа кај Битола, повреден е возач. Според полицијата, вчера околу 16,10 часот на магистралниот пат Ресен-Битола, кај местото викано „Црвен” товарно моторно возило ,,мерцедес” со битолски регистерски таблици управувано од С.С.(61) од Битола се превртeло.

Во незгодата С.С. се здобил со повреди, по што бил пренесен во Јавната здравствена установа во Ресен за укажување на лекарска помош.

Сообраќајот на делницата од Ресен до Макази поради истурен товар од товарното возило бил во целосен прекин од 16,20 до 21,30 часот.

Увид на местото на настанот извршила увидна екипа од Полициската станица Ресен и се работи на целосно расчистување на случајот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.