Земјотрес со јачина од 5,3 степени по Рихтер го погоди регионот Молизе во јужна Италија.
Потресот бил во близина на Монтелчифоне на длабочина од 10 километри и направи помала материјална штета. Распукале неколку куќи, има оштетени тераси.
Иако без поголема материјална штета, луѓето во паника бегале од своите домови, а едно дете се повредило кога во страв скокнало од тераса, пренесува АП.
Протипожарната служба соопштила дека немало повици за спасување во подрачјето на епицентарот и истакнале дека забележана е само помала материјална штета.
Според податоците на италијанскиот сеизмолошки завод тој регион за само неколку часа бил погоден од 9 земјотреси од кои најсилниот бил 5,1 степен, додека останатите биле со јачина од околу 4 степени.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
