Александар Николоски: Фатени се живи дека крадат!

Потпретседателот на ВМРО-ДПМНЕ, Александар Николоски на својот фејсбук профил се огласи по повод доделените сретства од Фондот за иновации.

Фатени се живи дека крадат!

Денешното стопирање на мега тендерот од фантастични баснословни 35 милиони евра, како и вчерашното „откажување“ на Кочо Анѓушев од парите што сам на себе требаше да си ги додели покажува две работи:
– Фатени се живи дека крадат! И за тоа јавноста, медиумите и ВМРО-ДПМНЕ имаат голема заслуга
– Тотална забеганост и себеубедување дека ако го сменат името ќе им биде дозволено од меѓународната заедница да прават што сакаат во Македонија, како компензација за промената на името да се изнакрадат!
Мислам дека погрешно ја разбрале пораката ниту меѓународната заедница, а уште помалку домашната јавност и ВМРО-ДПМНЕ ќе им дозволат мирно да си крадат!

И за крај едно помалку филозофско прашање – колку пари се доволни за на човек да му е доста? И Заев и Анѓушев се екстремно богати луѓе. Не разбирам што ќе им плус пари, што ќе прават со нив? Знаат ли за доста? Кога ќе се наситат? Веројатно одговорот е кога ќе застанат пред едно ново реформирано судство и обвинителство!

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.