Оваа година во Крушево ќе се одржи 20-то Европско првенство во змејарство класа 1 (Hanggliding) и 8-мо Светско Првенство во змејарство класа 5 (Rigid wings)во дисциплината крос кантри.
Настанот ќе го отвори Директор на Агенција за млади и спорт, Дарко Каевски Претседател на Воздухопловна Федерација нa Македонија, Владимир Бараковски Директор на Агенција за Промоција и Поддршка на Туризам, Љупчо Јаневски Градоначалник на Општина Крушево, Томе Христоски
Натпреварите во змејарство ќе се одвиваат во Крушево и Пелагонискиот регион од 9 до 21 јули 2018 година. Стартните локации ќе бидат во Крушево на Мечкин Камен, а во регионот на Прилеп,с. Кривогаштани и регионот на Битола се предвидени местата за слетување и крај (цел) на трките.
Практично во периодот од 9-ти јули до 21-ти јули 2018 година, Пелагонискиот Регион, а посебно Крушево ќе биде арена во која што ќе се натпреварува светската елита од 150 пилоти, а Република Македонија по втор пат ќе биде во фокусот на светската воздухопловна спортска јавност и домаќин на околу 300 учесници, пилоти и официјални гости кои што ќе престојуваат две недели во Крушево за време на натпреварите.
Овие две големи првенства ја ставаат Македонија на мапата на најпосакувани дестинации за спортистите и љубителите на слободно летање од Европа и ширум светот. Тоа претставува одлична можност за промоција на нашата земја не само како туристичка, туку и како дестинација со одлични услови за слободно летање, особено за организирање на натпревари од висок ранг.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
