Секс во Шведска само со писмено одобрување од партнерот

Во Шведска стапи на сила закон кој овозможува сексот без претходна согласност од партнерот да се смета за силување, што подразбира и кривично гонење.

Со тоа Шведска им се приклучи на уште неколку евроски земји, пренесува АП.

Претходно во Шведска лице можеше да биде кривично гонето за силување само ако за тоа постои доказ или закана со насилство.

Според новиот закон, сексуалната активност на која не и претходела изговорена согласност или друга јасна демонстрација на согласност на партнерот, би можела да се смета за силување.

Законот неподразбира пасивност како знак на доброволно учество во сексуален однос.

Владата на премиерот Штефан Левен го предложи новиот закон минатата година, по кампањата #MeToo (и јас) која ширум светот разотрки случаи на непримерно сексуално однесување.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.