МВР со детали за пукањето во Арачиново: Повредени двајца полицајци

Двајца полициски службеници попладнево биле повредени во Арачиново. По укажаната лекарска помош тие се пуштени на домашно лекување.

Денеска (25.6.2018) околу 17 часот на ул. 1 во с. Арачиново полициски службеници запреле возило „Голф“ во кое се превезувале две лица О.М. (33) и Г.М. (20), кои се бараат со потерница за издржување на затворска казна, информираат од МВР.

Во моментот кога полициски службеник се доближил до возилото, возачот О.М. го стартувал возилото „Голф“ наназад и го удрил полицискиот службеник. Потоа полициските службеници испукале неколку предупредувачки куршуми во воздух, но возачот на возилото „Голф“ не застанал туку удрил во друг полициски службеник, по што избегал од местото на настанот.

Се преземаат мерки за пронаоѓање на О.М. и Г.М.. На двајцата полициски службеници им е укажана помош во Градската општа болница „Наум Охридски“ и се пуштени на домашно лекување, се вели во соопштението од полицијата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.