Трамп и Ким Џонг-ун ќе се сретнат на 12-ти јуни во Сингапур

Американскиот претседател Доналд Трамп денеска соопшти дека неговата „историска средба“ со севернокорејскиот лидер Ким Џонг-ун сепак ќе се одржи, како и што беше планирано, на 12 јуни во Сингапур.

Трамп денеска во Белата куќа се сретна со специјалниот севернокорејски пратеник Ким Јонг-чол, кој му врачи писмо од Ким Џонг-ун.

Во изјава по едночасовата средба со Ким Јонг-чол, Трамп порача дека нејзина цел била „запознавање со состојбата“.

Американскиот претседател оцени дека односите меѓу САД и Северна Кореја „се развиваат“, додавајќи дека на средбата со севернокорејскиот лидер гледа како на „почеток на еден процес“.

– Мислам дека тоа ќе биде голем успех, нагласи Трамп.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.