Лице обвинето за убиство подметна пожар

Подметнат бил пожар во куќа во неготинско Пепелиште, нема повредени, оваа информација за МИА ја потврдија од Министерството за внатрешни работи.

– Пожарникар го пријавил во полиција, синоќа случајот со подметнат пожар од страна на едно лице. Никој не живеел во куќата во која бил подметнат пожарот, рекоа од полицијата.

Бил извршен увид и се работи на расчистување на случајот.

Неофицијално, во селото се шпекулира дека пожарот наводно бил подметнат од лице кое во минатото било обвинето за убиство.

Наводно, во куќата била барана ракија, па откако не била најдена, бил предизвикан пожар. Сопствениците на куќата во моментов живееле на друго место, а во неа имало услови за живеење.

На лице место интервенирала и Територијалната противпожарна единица од Неготино, за МИА потврди командирот Иле Илиев.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.