Наставник од училиште во Бутел пријавен во полиција: Со дрвен стап удирал ученик по рацете и вратот

Вчера во 16.00 часот во Секторот за внатрешни работи Скопје Д.Б. (45) пријавил дека истиот ден околу 12.30 часот во Основно училиште во населбата Бутел, за време на настава на неговиот 13- годишен син од страна на наставник со употреба на дрвен стап му е нанесена телесна повреда по рацете и вратот.

Веднаш по пријавувањето на настанот било излезено на местото на настанот од страна на полициски службеници од Полициската станица Чаир.

Известен бил Јавен обвинител и се работи на целосно расчистување на случајот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.