Еве кој ја финансирал гламурозната свадба на Цеца и Вељко (видео)

Свадбата на Цеца и Аркан важи за „свадба на векот“, но никој не знаеше што морал да направи младоженецот за да се ожени со фолк-пејачката

Цеца и Жељко Ражнатовиќ Аркан се венчаа на 19 февруари 1995 година. Пред самата венчавка, младоженецот морал да побара благослов од црквата затоа што од својата избраничка бил постар 21 година и веќе имал неколку брака зад себе. Токму затоа испратил молба до патријархот за дозвола да склучи црковен брак со Цеца.

Свадбата на Цеца и Аркан ја следеа и двете најголеми медиумски куќи во Велика Британија и во Америка – „Би-би-си“ и „Си-ен-ен“.

Пејачката блескаше во венчаница на грчкиот дизајнер Димитриос, а Аркан носеше униформа на војвода од Првата светска војна. Црковното венчавање се одржа во црквата „Свети Гаврил“, а прославата во хотелот „Интерконтинентал“ во Белград. Невестинската торта имаше дури пет ката и тежеше 70 килограми.

Вкупните трошоци за свадбата изнесувале 100.000 марки, а го платил пријателот на Аркан од Италија, Џовани ди Стефано.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.