Сопругата на хрватскиот голман бесна: Го проколнувам секое негово одење во таа репрезентација, ова му е последно

Синоќа по поразот на хрватската ракометна репрезентација од Франција, непознати сторители ги искршиле прозорците и го оштетиле кровот на куќата во местото Раба на хрватскиот репрезентативен голман, Мирко Aлиловиќ.

Неговата сопруга Ива, бесна заради овој напад над нивниот имот, објавила порака на социјалните мрежи.

– Синоќа, после натпреварот, некој со камења ги искршил прозорците и покривот на куќата во Раба. Направена е голема штета. Ги молам мештаните да видат за што се работи. Го проколнувам секое негово одење во таа проклета репрезентација. Ова му е последно!, напишала Ива Алиловиќ.

Од полицијата потврдиле дека утрово околу 10 часот бил пријавен случај за оштетена семејна куќа во споменатото место.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.