Три лица се здобиле со повреди во сообраќајна несреќа која вчера околу 14 часот и 15 минути се случила на локалниот пат за село Долна Бела Црква-Ресен.
Во несреќата, како што информираат од полицијата, учествувале „Мерцедес“ со охридски регистарски ознаки, управуван од 46-годишниот Џ.М.од ресенско Јанковец и „Југо“ со охридски регистарски ознаки, управувано од 62-годишниот Б.Т. од Ресен.
-Во незгодата со тешки телесни повреди се здобиле возачот Б.Т. и осумгодишно момче, сопатник во патничкото возило од селото Царев Двор, ресенско, додека двегодишно девојче се здобилo со телесни повреди. Сите тројца биле задржани на понатамошно лекување во Клиничката болница Битола, информираат од МВР.
Увид на местото на настанот извршила екипа од Надворешната канцеларија за криминалистички работи Ресен.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
