Ниту премногу чисто не е добро за здравјето

Одржувањето хигиена е добра особина, но не треба се да биде стерилно околу нас, па дури ни во нашиот дом, предупредуваат германските експерти.

Тие наведуваат дека некои бактерии не му штетат на здравјето, туку напротив, помагаат при изградба на телесните одбранбени механизми.

Поради тоа, средствата за дезинфекција треба да се користат само кога е тоа повеќе од потребно, тврди германскиот Центар за советување на потрошувачи. Тие наведуваат дека дезинфекција се препорачува најчесто кога некој во домот е болен, па е потребно да се заштитат останатите.

Експертите наведуваат дека со средства против штетни бактерии треба редовно да се чистат фрижидерите и кваките на вратите.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.